Бум ва ҳамҷинси вай чуғз парандаҳои шабона ҳисоб мешаванд. Чашмони бум ниҳоят калон буда, ба мисли парандаҳои дигар на дар ду тарафи сар балки дар пешонӣ ҷойгир шудаанд. Қобилияти биноӣ ва шунавоии бум хеле хуб инкишоф ёфтааст. Бум ва чуғз одатан, шабона ба шикор мебароянд ва ниҳоят ором парвоз мекунанд. Чунин ҳолат имкон медиҳад, ки тӯъмаашон яъне ҳайвоноти хурд ва паррандаҳои дигар наздик шуданашонро пай набаранд.