Нерӯи барқи аз генераторҳо ҳосилшуда, тавассути симтанобҳои ғафс ба шабакаи электрикӣ фиристода мешавад, ки шиддати он ба 10 000 волт баробар аст. Аз ин ҷо, ба воситаи трансформатор гузашта, шиддатро то ба 75 000 волт мерасонад. Баъд неруи барқ ба воситаи хатҳои электрикӣ ва симчӯбҳо ба маҳаллаву шаҳрҳо фиристода мешавад. Қабл аз он ки нерӯи барқ ба ҷои лозима фиристода шавад, аз истгоҳҳои трансформаторӣ мегузарад ва дар он қувваи барқ ба миқдори зарурӣ паст карда мешавад. Барои хонаҳои истиқоматӣ қувваи барқ 300 волт ва барои корхонаҳои на он қадар калон 10 000 ё 12 000 волт муқаррар шудааст.